ایس ٹی ایف نے پرانے نوٹوں کی بڑی کھیپ پکڑی

پانچ سو اور ہزار کے پرانے نوٹوں کی شکل میں ساڑھے چار کروڑ روپے ملے
ہریدوار۔ اسمبلی انتخابات کے درمیان ایس ٹی ایف نے ایک بڑی کارروائی کرتے ہوئے سات لوگوں کو گرفتار کر کے پانچ سو اور ہزار کے پرانے نوٹوں کی شکل میں تقریباً ساڑھے چار کروڑ روپے کی رقم برآمد کی ہے۔ گرفتار ملزمان پرانی کرنسی بدل کر نئے نوٹ حاصل کرنے کی کوشش کر رہے تھے۔ معلومات کے مطابق، ایس ٹی ایف کو اطلاع ملی تھی کہ ہریدوار میں کچھ لوگ پرانے کرنسی نوٹ بدلنے کی کوشش کر رہے ہیں۔ اس پر کارروائی کرتے ہوئے ایس ٹی ایف نے ہریدوار میں جال بچھا کر چندراچاریہ چوک کے قریب ایک کالونی سے سات لوگوں کو پرانے کرنسی نوٹوں کے ساتھ گرفتار کیا۔ گرفتار ملزمان میں روپیش ساکنہ جگجیت پور، یشویر سنگھ ساکنہ ہری پور کلا، اروند ورما ساکن گائوں کالا کوان امروہہ کوتوالی امروہہ، عابد علی ساکنہ گائوں سید پور نوگاؤں ساکن سادات امروہہ، سومپال سنگھ ساکنہ ریلوے اسٹیشن روڈ بلاری مورادآباد، ویکا ساکنہ گدی، ویکا ساکنہ۔ خورد شیام پور رشیکیش، راجندر ساکن اسٹیشن روڈ بلاری ضلع مراد آباد شامل ہے۔